Su elektrik stansiyası və 30 hektar bağ sahəsi Azərbaycanın nəzarətinə keçəcək

Ermənistan Sünik vilayətinin Qarayanc kəndindəki onlarla hektar ərazini və ərazisindəki su elektrik stansiyasını Azərbaycana qaytaracaq.

DİQQƏT.info məlumatına görə, bu barədə "Sputnik Ermənistan" Gorus şəhər merinin müavini Menya Ovsepyana istinadən məlumat yayıb.

Onun sözlərinə görə, söhbət 30 hektar bağdan gedir.

Bununla yanaşı, Ovsepyan gileylənib ki, Ermənistan hökuməti onlarla əlaqəyə girməyib və yaranmış vəziyyəti izah etməyib.

Qeyd edək ki, bu ərazilər Ermənistan SSR-in keçmiş sərhədlərindən kənarda-Azərbaycanın Zəngilan rayonu ərazisində yerləşir. Yəni, Azərbaycan öz suveren ərazisi üzərində nəzarəti bərpa edir./Virtual.az