Rusiya Prezidentinin mətbuat katibi Dmitri Peskov Rusiya lideri Vladimir Putinin Co Baydeni ABŞ-ın prezidenti seçilməsi münasibəti ilə təbrik etməməsinin səbəbini izah edib.
"DİQQƏT" xəbər verir ki, bu haqda məlumatı Rusiya mediası yayıb.
“Putinin ABŞ-ın yeni seçilmiş prezidentini təbrik etmək barədə sualınızı gözləyirik. Seçkilərin nəticələrinin rəsmi şəkildə yekunlaşdırılmasını gözləməyi düzgün hesab edirik”, – deyə o bildirib.
O, Putinin 2016-cı ildə seçkilərdən dərhal sonra Donald Trampı seçilməsi münasibəti ilə təbrik etdiyini, lakin Baydeni təbrik etmədiyini də açıqlayıb.
“Fərq aydındır. Görürsünüz ki, hazırkı prezident tərəfindən elan edilmiş müəyyən qanuni prosedurlar var, bu səbəbdən də vəziyyət fərqlidir. Ona görə də rəsmi açıqlamanı gözləyirik”, – deyə o, qeyd edib.
Peskov Rusiyanın amerikalılar tərəfindən seçilən istənilən ABŞ prezidenti ilə işləməyə hazır olduğunu əlavə edib.
Bundan əvvəl Demokrat namizəd Co Bayden ABŞ-dakı prezident seçkilərində qalib gəldiyini elan edərək Amerika xalqına müraciət edib.
Ağ Evin hazırkı rəhbəri səsvermə zamanı pozuntuların qeydə alındığını, ona görə seçkilərin hələ bitmədiyini vurğulayıb.
Comments