Dağlıq Qarabağın Azərbaycanlı İcması İctimai Birliyinin sədri, millət vəkili Tural Gəncəliyevin “Tezliklə ofisim Xankəndidən fəaliyyət göstərəcək. Hazırda şəhərdə yeni ofis binası üçün mümkün yerlər nəzərdən keçirilir” sözləri ermənilərin geniş müzakirəsinə səbəb olub.
DİQQƏT.info Teleqram kanallarına istinadən xəbər verir ki, "artsax prezidentiinin mətbuat katibi" Lusine Avanesyan Tural Gəncəliyevə sərt cavab verib.
"Bu, Azərbaycan tərəfinin növbəti həyata keçməyəcək xəstə arzusudur. Bu cür ucuz informasiyalarla öz çəmiyyəti fikrini yayındırmağa və erməni cəmiyyətində isə qıcıq yaratmağa çalışırlar.
Onlar nəinki ofis yaratmaq, heç Stepanakerti ziyarət edə bilmirlər.
Bunun əvəzinə bizim işğal etdikləri torpaqlarımızı qaytarmağı düşünsünlər ki, bəlkə konfliktin aradan qaldırılmasında real perspektivlər barədə nəsə danışmaq olardı" - deyə Lusine Avanesyan sərsəmləyib.
Comments