Martın 21-i 2021- ci il tarixində Binəqədi rayon Dərnəgül qəsəbəsi Səttar Bəhlulzadə bina 38 -də məskunlaşan məcburi köçkünlərin yaşadıqları yataqxanada güclü yanğın baş vermişdir. Düz 30 ilə yaxındır bu yataqxanada məskunlaşan məcburi köçkünlərin qəlbi yurd həsrəti ilə yanıb qovrulurdu. Doğma yurdlarının Novruz bayramı sevincini nə yaxşı ki, yaşadıq düşündükləri bir vaxtda sevincləri kədərə çevrildi. Xocalı soyqırımı zaman atasını, anasını, bacısını itirən Həsənovlar ailəsi yanğın zamanı ölümün bir addımlığından dönüblər. Bu ailənin üzvü uzun illər Xocalı rayon Qızıl Aypara Cəmiyyətinin sədri Tovuz xanım həyat yoldaşı və 3 övladı ilə carəsiz qalıb. Insanlara yardım əlini uzadan cəmiyyət sədri köməksiz qalmamalıdır. Unutmayaq ki, şəhidlər bizim başımızın tacıdır. Xocalı soyqırımı zamanı ağır itki verən Həsənovların ailə üzvülərindən 3 nəfəri şəhid olmuş, bir nəfər - Həsənova Xədicə isə hər 2 ayağını itirmişdir. İnanıram ki, aidiyyəti orqanlar bu ailəyə kömək əlini uzadacaqlar.
Comentários