20 dekabr - Qarabağ qazilərinin mərhum lideri, Baş Qazi Etimad Əsədovun doğum günüdür. Yaşasaydı 58-ci yaşına keçəcəkdi. Yaşasaydı uğrunda canını, bədəninin bir hissəsini qurban verdiyi torpaqlarımızın, doğma Ağdamın azadlığını görərdi və ruhu dincələrdi, şad olardı. Əgər sağ olsaydı, Vətən müharibəsi qazilərinin və şəhid ailələrinin bu gün sosial şəbəkələrdə yayılan və hamını narahat edən problemlərini heç nəyə baxmadan hayqırardı. Əgər Baş Qazi sağ olsaydı, bütün qazilər daha ürəkli olardılar və biz belə darmadağın olmazdıq.
Allah sənə rəhmət etsin, qardaş, yoxluğun həyatımızda və qəlbimizdə bir boşluq yaratmışdır. Səndən ötrü çox darıxırıq, hər yanda və hər anda yerin görünür. Aforizmlərindən, sözlərindən. zarafatlarından çox istifadə edirik, hər dəfə də gözümüzün qabağına gəlirsən elə olduğun kimi. Bir sözlə, yoxluğun sarsıdır bizi. Doğum günün mübarəkdir, unudulmaz Baş Qazimiz Etimad Əsədov!
QARABAĞ ƏLİLLƏRİNƏ QAYĞI İB-NİN SƏDRİ FİRİDUN QAZİ
Comments