Bakıda qəza törədib avtomobildə sıxılmış vəziyyətdə qalan sürücünü belə xilas etdilər - VİDEO

Bakıda yol qəzası baş verib.

DİQQƏT.info-nun xəbərinə görə, hadisə fevralın 8-i saat 17 radələrində Səbail rayonu ərazisində qeydə alınıb.

Belə ki, “Hyundai” markalı 99-JU-480 dövlət nömrə nişanlı yük avtomobili yol kənarındakı işıq dirəyinə çırpılıb. Qəza nəticəsində sürücü yük avtomobilində deformasiyaya uğrayaraq sıxılmış vəziyyətdə qalıb.

Daha sonra qəza barədə Fövqəladə Hallar Nazirliyinin (FHN) “112” qaynar xəttinə müraciət edilib. Əraziyə FHN-in Xüsusi Riskli Xilasetmə Xidmətinin müvafiq xilasetmə qüvvələri cəlb edilib.

Əməliyyat zamanı sürücü çıxarılaraq aidiyyəti üzrə təhvil verilib.

Faktla bağlı araşdırma aparılır./Report