Bakıda məhbus aparan polis maşını qəzaya düşdü - VİDEO

Bakıda polis mikroavtobusu qəzaya düşüb.

DIQQƏT.info Unikalk.orq-a istinadən xəbər verir ki, hadisə Sabunçu rayonunun Balaxanı qəsəbəsi ərazisində baş verib. Belə ki, Daxili İşlər Nazirliyinə məxsus məhbus daşıyan avtomobil “KİA” markalı maşınla toqquşub. Avtomobillərdən biri yol kənarında olan işıq dirəyinə çırpılıb.

Daxili İşlər Nazirliyinin mətbuat xidmətindən verilən məlumata görə, hadisə "KİA" markalı avtomobilin yol hərəkəti qaydalarını pozması səbəbindən baş verib.

Hadisə nəticəsində xəsarət alan yoxdur.