Azərbaycanın beynəlxalq axtarışa verdiyi iranlı iş adamı Türkiyədə tutuldu

Azərbaycanın interpol xətti ilə axtarışa verdiyi iranlı iş adamı Türkiyədə saxlanılıb.

DIQQƏT.info xəbər verir ki, Azərbaycan Cinayət Məcəlləsinin 178-ci (dələduzluq) maddəsi ilə ittiham olunan İran vətəndaşı Fərzad Foroozanmehri İstanbulda saxlanılıb.

Onun yaxın vaxtlarda Azərbaycana təhvil verilməsi gözlənilir.

Qeyd edək ki, KİV-də yayılan məlumatlara görə, bizneslə məşğul olan Fərzad Foroozanmehri Bakıda Azərbaycan vətəndaşı Orxan İsmayılzadənin evini 240 min manata sataraq pulu götürüb və ölkədən qaçıb.

Azərbaycan onu İnterpol vasitəsilə axtarışa verib./APA